Romantic Poetry In Urdu

 

 

Gamoon ke sher main rah ker bikher gai hunnmain

Yeh khwaab hai ki haquqqat main mer gai hun main

 

Main roshni ke safer main hamesha lutti rahi

Jahan charag bujhe the udher gai hun main

 

Lahoo ki surkhi laboon per Gamoon ka ghaza tha

Samajh rahi thi issi se sanwer gai hun main

 

Yeh rahateen to mujhe parah parah karti hain

Safar ki dhoop main rah ker nikher gai hoon main

 

Tamam umer mila dasht ka safar mujh ko

Jahan bhi saya mila hai thaher gai hoon main

 

Issi liye main kabhi khwaab dekhti hi nahi

Ko apne khwaab-e-pareshaan se der gai hoon main

 

Zamana Shazia Dhundhe naa dhund paye mujhe

Aab apni zaat ke ander uter gai hun main

_________________

 

Chute hue taruffat

Ruthe hue tasavurrat

Tute hue talluqat

Yaad ka malgaja dhuan

Zeast ke gum tafakkuraat

Zahen main shore andhian

Qaid-e-nafs tohhomat

Ik adhuri dastaan

Bikhre hue tamam khwab

Sare sawal bejawab

Apni parai chashme-e-nam

Sirf alam, alam, alam

Iti nukili kirchian

Chunti raheen jo ungliaan

Aaj hain woh lahu lohaan

Aise main hadse kai

Yani ki berukhi teri

Rooh ko zakhm de gai

JIne chah le gai

Shisha-e-dil ko tod ker

Daman-e-hosh chor ker

Pahuncha hun aise made per

Charoon taraf giraftaggi!

Charoon taraf shikastagi!!

Meri Takab ki garmiyaan

Teri ataa ki narmiaan

Berf se ujlli chandani

Oss ki bund aur kali

Zindagi hussn-e-zindagi

Bite dinoon ki baat hai

Ab ti dinoon pe raat hai

Aaj hai rang-e-Zindagi

Fiker-wo-nazar ki gumm hai

Umer-e-rawan bujhi bujhi

Ishq ki kayenaat main

Dil ke mamlaat main

Ranj nahi khushi nahi

Ik ajab si be khudi

Be hassi sirf be hassi

Charoon taraf girafttagi!

Charoon taraf Shikastaagi!!

Aaj hai hussn-e-zindagi

Yani ki Huzn-e-zindagi

READ  Best Mirza Ghalib Urdu Shayari | Ishq Shayari In Hindi

About The Author

Reply